– Таксама мы правядзем конкурс на лепшае афармленне павозкі, – дадалі арганізатары. – Але гэта далёка не ўсе сюрпрызы. Для  гасцей будзе працаваць пляцоўка «Гульні, забавы», усе жадаючыя змогуць прыняць удзел у святочнай латарэі  і паглядзець цікавы канцэрт. 
Акрамя гэтага, будзе ладзіцца кірмаш плеценых кошыкаў і вырабаў з гліны.

ДаведкаЗ раніцы на «Аўласа» кожная гаспадыня пякла аладкі па колькасці хатніх жывёл, гэтыя «аладкі» павінны былі забяспечыць у будучыні здароўе і добры прыплод, зберагчы статак ад усякага зла. Мужчыны ў гэты дзень абавязкова аб'язджалі маладых коней, прычым ездзілі на іх вакол вёскі. Усім хатнім жывёлам у гонар свята даваўся лепшы корм. 
Што? Свята ў гонар Святога Уласа.
Дзе? Карэліцкі раён, аг. Лукі.
Калі? 24 лютага 12:00.